Geavatlaš dieđut

GEAVATLAŠ DIEĐUT

Mo beassat girdišiljus gávpogii

Girdišiljus gávpogii sáhttá váldit busse, juogo Flybussena, mii bisána njuolga olggobealde girdišilju váldouvssa, dahje dábálaš gávpotbusse. Jus váldá dábálaš gávpotbusse (nummar 40 dahje 42), de galgá váldit heaissa vuolitdási parkerensadjái ja vázzit parkerensaji rastá ja olggos, ja de rasttildit luotta ja doppe lea bussebisánansadji (muitte fal rasttildit luotta, muđuid soaittát váldit dan busse mii manná nuppe guvlui, namalassii eret gávpogis).

Flybussenis sáhttá oastit bileahta kredihttakoarttain, dábálaš busses ii sáhte. Dábálaš busses ferte oastit bileahta juogo ovddalgihtii kioskkas dahje reaidoruđaiguin busses. Bussebileahta gánnáha ovddalgihtii oastit Narvesen- dahje Mix-kioskkas, ja dat máksá dasto 36 NOK. Jus busses oasttát bileahta, de máksá 50 NOK ja dan sáhttá dušše reaidoruđaiguin máksit. Lea maid vejolaš oastit 24-diibmosaš bileahta ja dat máksá 100 NOK.

Hotealla

Muhtun symposiaoasseváldit leat diŋgon idjadansaji Clarion The Edge hoteallas: https://www.nordicchoicehotels.no/clarion/clarion-hotel-the-edge/

Mo beassat bussiin universitehtii

Buot busset (20, 21, 32, 34), mat gávpogis mannet bussebisánansajis mii lea merkejuvvon F6, mannet universitehtii. Čuovo busse gitta ollet bussebisánansadjái mii lea merkejuvvon “UiT” (~10-15 minuhta mátki), geahča kártta: http://site.uit.no/samesymposia/files/2016/01/UiT_Kart.png 

Dáppe gávnnat busseruvttuid: http://www.tromskortet.no/bussruter-fra-4-januar-2016/category724.html

Bussebileahta gánnáha ovddalgihtii oastit Narvesen- dahje Mix-kioskkas, ja dat máksá dasto 36 ruvnno. Jus busses oasttát bileahta, de máksá 50 ruvnno ja dan sáhttá dušše reaidoruđaiguin máksit (ii sáhte koarttain máksit busses). Lea maid vejolaš oastit 24-diibmosaš bileahta ja dat máksá 100 ruvnno.

Parkeren universitehtaguovllus

Jus boađát biillain vuoji universitehtii, de dán siiddus gávnnat eanet dieđuid parkerema birra universitehtaguovllus: https://uit.no/parkering

Čoahkkinlatnja

UiT Norgga árktalaš universitehta (gohčoduvvo maiddái Romssa universitehtan), Teorifágagárdin Viessu 1 (dárogillii Teorifagbygget Hus 1), Auditoria 2 (dan gearddis mii lea kantiinna vuolábealde).

Interneahtta

Universitehtaguovllus lea jođaskeahtes konferánsafierpmádat uit-conference (beassansátni lea konferásamáhpas).

Dálki…

…sáhttá leat vaikko makkár. Iskka dáid dálkedieđáhusaid http://www.yr.no/sadji/Norga/Romsa/Romsa/Troms%C3%B8/ ja http://www.storm.no/troms%C3%B8/.