Category Archives: Nytt

UiT Noregs arktiske universitet, gjennom si koordinerande rolle for det nasjonale forskingsdataarkivet DataverseNO, skal leia eit større nytt nordisk-baltisk samarbeid om handtering av forskingsdata. Prosjektet Nordic-Baltic Dataverse Hub (NaisH) har fått tildelt midlar frå NordForsk under utlysinga for Nordic Research Infrastructure Hubs.

Det femårige prosjektet (2026–2030) har som mål å etablera ei berekraftig ramme for samarbeid mellom forskingsdataarkiv i den nordisk-baltiske regionen, med Dataverse-programvara som felles teknologisk ryggrad. Ved å fremja samordning, ressursdeling og innovasjon skal huben styrkja tilgang, interoperabilitet og pålitelegheit av forskingsdatainfrastruktur på tvers av seks land: Noreg, Danmark, Island, Færøyane, Latvia og Litauen.

Prosjektkonsortiet – som omfattar UiT, Danish e-Infrastructure Consortium (DeiC), Universitetet på Island, Universitetet på Færøyane, Rīga Stradiņš University og Kaunas University of Technology – skal i fellesskap arbeida med sentrale aktivitetar, mellom anna:

• Utvikla felles ressursar og retningsliner for pålitelege dataarkiv (Trustworthy Digital Repositories) i tråd med FAIR-prinsippa.
• Støtta dataarkiv i å oppnå CoreTrustSeal-(re-)sertifisering.
• Integrera kunstig intelligens (KI) på ein ansvarleg måte i funksjonane til dataarkiv.
• Kompetanseheving gjennom opplæringsprogram og mentorordning.
• Fremja nordiske perspektiv i internasjonale nettverk som EOSC, FIDELIS og Global Dataverse Community Consortium (GDCC).

Huben vil skapa betydeleg nordisk meirverdi ved å redusera dobbeltarbeid, auka kostnadseffektivitet og posisjonera den nordisk-baltiske regionen som ein global leiar innan Open Science og forskingsdatahandtering. Prosjektet er i tråd med FAIR- og TRUST-prinsippa, EU-kommisjonen sine retningsliner for ansvarleg bruk av KI og UiT sine strategiske mål om openheit og transparens i forsking.

«Dette prosjektet er ein milepåle for UiT og DataverseNO. Det styrkjer rolla vår som ein nasjonal og internasjonal leiar innan forskingsdatahandtering og Open Science,» seier Philipp Conzett, førstebibliotekar ved UiT og prosjektleiar for Nordic-Baltic Dataverse Hub.

For meir informasjon om NordForsk sitt Nordic RI Hub-program og DataverseNO, sjå:
https://www.nordforsk.org/news/new-infrastructure-hubs-granted-funding og https://info.dataverse.no/.

(Tekst: Idun Knutsdatter Østerdal)

NTNU Universitetsbiblioteket har kvalitetssikret og publisert over 200 datasett på DataverseNO – et viktig skritt for å styrke åpen vitenskap. Det har aldri vært enklere for forskere å dele data sikkert og åpent, og samtidig oppfylle krav fra finansiører og tidsskrifter. 

Åpne data på tvers av fag og grupper

Datasett nr. 200 i NTNU-institusjonssamlingen i forskningsdataarkivet DataverseNO ble publisert av postdoktor Leon Li og professor R. Jason Hearst ved Institutt for energi- og prosessteknikk, NTNU. Hearsts forskningsgruppe alene står for 15 av NTNUs datasett i DataverseNO og ser stor nytte i tjenesten.

DataverseNO er en viktig tjeneste – ikke bare for å oppfylle krav fra NFR og EU, men også for å fremme god praksis for åpne forskningsdata. Vi publiserer alle data fra våre publiserte artikler i DataverseNO og inkluderer data-DOI-er i artiklene våre. – R. Jason Hearst

Forskningsgruppens datasett har blitt lastet ned over 600 ganger, og viser hvordan DataverseNO bidrar til å gjøre data lett tilgjengelig. Li mener “DataverseNO gir forskere en utmerket plattform for å dele data åpent, noe som er avgjørende for samarbeid på tvers av ulike grupper innen vårt forskningsfelt.”

Øverst til venstre: (From venstre til høyre) Dr. Leon Li, Prof. Jason Hearst, Dr. Srikar Yadala i NTNU-EPT-vindtunnelen. Foto: Youssef Elashmawi
Nederst til venstre: De tre datasettforfatterne. Foto: Maren Agdestein
Til høyre: Datafangst i vindtunnel-laben med vitenskapelige kameraer i bakgrunnen. Foto: Leon Li

Hva betyr det å nå 200 datasett?

Med over 200 datasett tilgjengelig, bidrar NTNU til mer åpen og gjenbrukbar forskning, og styrker både transparens og forskningens innvirkning. Denne milepælen viser NTNUs økende satsing på åpen forskning og infrastruktur. 

Førstebibliotekar Fredrik Sahlström har ansvaret for DataverseNO ved NTNU, og er svært fornøyd med utviklingen. Han forteller at “vi har sett en jevn økning i antall publiserte datasett i NTNUs avdelingssamling på DataverseNO, og det er gledelig at plattformen bidrar til å gjøre forskningsdata ved universitetet mer åpne. Vår gruppe ved Universitetsbiblioteket samarbeider tett med NTNUs forskningsmiljøer for å finne de beste løsningene for publisering av ulike typer data.” 

Veiledning gjennom arkiveringsprosessen

NTNU Universitetsbibliotekets arbeid med datakuratering gir forskere støtte gjennom hele arkiveringsprosessen – fra opprydding i dataene, utarbeidelse av README-dokumenter, til opplasting og metadatahåndtering.

Personene som jobber bak kulissene for å holde DataverseNO i gang, har gjort en fantastisk jobb med å gi tilbakemeldinger, nyttige instruksjoner og anbefalinger gjennom hele prosessen med opplasting av data. De er alltid vennlige, profesjonelle og raske til å svare, noe som gjør hele opplevelsen smidig og effektiv. Jeg vil ikke bare anbefale DataverseNO til alle mine kolleger av prinsipp, men også basert på den gode brukeropplevelsen. – Leon Li

Sahlström koordinerer kurateringsarbeidet der 10 bibliotekansatte bidrar. “Vi tilbyr også digitale kurs for ansatte og studenter hvert semester, og vi deltar aktivt i det nasjonale DataverseNO-samarbeidet for å videreutvikle plattformen. Vi håper at flere og flere forskere ved universitetet vil oppdage fordelene ved å dele forskningsdata via DataverseNO i fremtiden,” oppfordrer han.

Forskningsgruppeleder Hearst velger DataverseNO over andre tjenester: “Selv om det stadig kommer nye plattformer for deling av forskningsdata, gjør en lokal tjeneste med lokal støtte arbeidet både enklere og mer effektivt. Jeg anbefaler ofte DataverseNO til kolleger ved NTNU.”

DataverseNO ønskjer Universitetet i Søraust-Noreg velkommen som partnarinstitusjon. Med si eiga institusjonssamling (https://dataverse.no/dataverse/usn) i DataverseNO kan USN tilby eigne forskarar eit sertifisert og kuratert forskingsdataarkiv der dei kan gjera dataa sine ope tilgjengelege og på den måten gjera forskinga meir synleg, og samtidig fremja kompetanse på open forsking.

Vi styrkjer laget og søkjer ein initiativrik og omgjengeleg arkivforvaltar med ambisjonar om å bidra til å sikra og løfta nivået på DataverseNO til å kunna tilby forskarar frå norske institusjonar eit påliteleg og framtidsretta arkiv for forskingsdata i verdsklasse. Meir informasjon i utlysinga.

UiT Noregs arktiske universitet er med i to prosjektkonsortium som nettopp har nådd opp i konkurransen om midlar til to EU-prosjekt. Begge prosjekta er leidde av CSC – IT Center for Science i Finland og handlar om å vidareutvikla European Open Science Cloud (EOSC).

Prosjektet FIDELIS – A European Network of Trustworthy Digital Repositories har som mål å etablera eit europeisk nettverk av pålitelege arkiv for forskingsdata og andre digitale forskingsobjekt. Utlysinga prosjektet får midlar ifrå, har sitt utspring i et strateginotat som sentrale aktørar publiserte i 2022. Prosjektet er eit samarbeid mellom 24 institusjonar frå heile Europa.

Prosjektet EDEN – Enhancing Digital Preservation Strategies at European and National Level skal utvikla og etablera eit rammeverk for å identifisera kva data som er kandidatar for langsiktig bevaring, basert på bruk, nytte og kvalitet, og ein modell for revurdering av data etter arkivering. Utlysinga av desse midlane er ei oppfølging av tilrådingane frå EOSC Long-Term Data Preservation Task Force. Det er til saman 16 institusjonar frå fleire land i Europa som skal samarbeida i dette prosjektet.

Begge prosjekta skal vara i tre år og har planlagd oppstart i januar 2025. UiT er representert i dei to prosjekta gjennom miljøet rundt DataverseNO og TROLLing på Universitetsbiblioteket (UB).

DataverseNO er eit nasjonalt, generisk arkiv for forskingsdata som blei lansert i 2017, og er i dag eit samarbeid mellom 16 partnarinstitusjonar. Vi har heilt sidan starten vore opptekne av å byggja opp og drifta eit påliteleg dataarkiv for forskarar frå norske forskingsinstitusjonar uavhengig av fag og datatypar, og i tråd med internasjonale krav og tilrådingar for god datahandtering, som t.d. dei etter kvart veletablerte FAIR-prinsippa. Som ei av dei første nasjonale tenestene i verda blei DataverseNO i 2020 CoreTrustSeal-sertifisert som påliteleg dataarkiv, og vi er no – noko forseinka – i gang med å fornya denne sertifiseringa.

TROLLing er eit fagspesifikt arkiv for forskingsdata frå lingvistikk og språkfag. Arkivet blei lansert i 2014 og er gjennom den nasjonale CLARINO-noden ein del av den europeiske CLARIN-infrastrukturen.

Begge arkiva er forvalta av UB i samarbeid med Avdeling for IT (ITA), og – når det gjeld TROLLing –  Institutt for språk og kultur (ISK) på HSL-fakultetet ved UiT. Forankra i Eallju – Drivkraft i nord: UiTs strategi mot 2030 er dei to arkiva er eit viktig ledd i UiT sitt strategiske arbeid med å fremja open vitskap og utvikla feltet i nært samarbeid med nasjonale og internasjonale partnarar.

Fleire som er involverte i forvaltninga av DataverseNO og TROLLing, har vore aktive i internasjonale miljø og nettverk som jobbar med infrastruktur og støttetenester for forskingsdatahandtering, t.d. CLARIN, Global Dataverse Community Consortium (GDCC) og Research Data Alliance (RDA).

Miljøet rundt DataverseNO har også teke initiativ til eit nasjonalt kuratornettverk for FAIR forskingsdata, som vil vera eit viktig tiltak for å løfta den nasjonale kompetansen på feltet på tvers av institusjonar og støttetenester, og som vil vera eit viktig element i eit framtidig EOSC-kompetansesenter og den framtidige nasjonale EOSC-noden.

Vi håpar at erfaringane våre med utvikling og forvaltning av arkivtenester og nettverk knytte til forskingsdatahandtering vil kunna bidra positivt til dei to nye EU-prosjekta. Samtidig er vi overtydde om at prosjektdeltakinga vår vil heva kompetansen på feltet på UiT, og vil vera positiv for den vidare utviklinga av dei to arkivtenestene våre. Det gjeld særleg den vidare integreringa av tenestene våre med EOSC. Det overordna målet vårt er alltid å kunna tilby gode støttetenester til forskarane våre og på den måten bidra til at dei kan hevda seg både nasjonalt og internasjonalt.

Vi er glade for å vera ein del av dei to prosjektkonsortia og ser fram til eit godt og lærerikt samarbeid.

Kontaktperson:
Philipp Conzett
E-post: philipp.conzett@uit.no

DataverseNO ønskjer OsloMet – storbyuniversitetet velkommen som partnarinstitusjon. Med si eiga institusjonssamling i DataverseNO kan OsloMet no tilby eigne forskarar eit sertifisert og kuratert forskingsdataarkiv der dei kan gjera dataa sine ope tilgjengelege og på den måten gjera forskinga meir synleg, og samtidig fremja kompetanse på open forsking.

DataverseNO ønskjer Norsk institutt for bioøkonomi (NIBIO) velkommen som partnarinstitusjon. Med si eiga institusjonssamling (https://dataverse.no/dataverse/nibio) i DataverseNO kan NIBIO no tilby eigne forskarar eit sertifisert og kuratert dataarkiv der dei kan gjera dataa sine ope tilgjengelege og på den måten gjera forskinga meir synleg, og samtidig fremja kompetanse på open forsking. For meir informasjon om NIBIO-samlinga i DataverseNO, ta kontakt med Hanne Tvete.

På grunn av ei større oppgradering vil DataverseNO vera utilgjengeleg for handlingar som krev pålogging (arkivering, kuratering, administrering) frå fredag 24. mars etter kl. 16 til og med tysdag 28. mars 2023. På måndag 27. mars og tysdag 28. mars vil DataverseNO i kortare periodar også vera utilgjengeleg for søk og nedlasting. Vi beklagar ulempene. Ved spørsmål ta kontakt med DataverseNO-teamet på support@dataverse.no.

I byrjinga av desember 2022 fyller DataverseNO fem år. For å markera dette jubileet arrangerer vi eit lite seminar på fredag 2. desember kl. 09:00 til 10:15. Det vil vera mogleg å delta fysisk, på UB-auditoriet på UiT Noregs arktiske universitet, campus Tromsø (kart), og digitalt via Zoom.

Påmeldingsfrist:

• Fysisk deltaking: 15. november 2022
• Digital deltaking: 30. november 2022

Påmeldingsskjema: https://nettskjema.no/a/dvno5ar

Førebels program:

DataverseNO ønskjer Universitetet i Oslo (UiO) velkommen som partnarinstitusjon. Med si eiga institusjonssamling (https://dataverse.no/dataverse/uio) i DataverseNO kan UiO no tilby eigne forskarar eit sertifisert og kuratert dataarkiv der dei kan gjera dataa sine ope tilgjengelege og på den måten gjera forskinga meir synleg, og samtidig fremja kompetanse på open forsking. Meir informasjon finn du på nettsidene til UiO: https://www.ub.uio.no/skrive-publisere/dataarkivering/dataverseno-uio.html.