Om DataverseNO

Arkivstrukturen er skissert i denne figuren. Kvar partnarinstitusjon får tildelt si eiga institusjonssamling i DataverseNO. Innanfor ei institusjonssamling er det mogleg å oppretta delsamlingar, t.d. for forskingssenter eller større forskingsprosjekt. Partnarinstitusjonar har ansvar for at data i institusjonssamlinga og eventuelle delsamlingar er forvalta i tråd med DataverseNO-forvaltningsavtalen.

Ettersom DataverseNO tilbyr open og gratis tilgang til samlingane sine, så består brukargruppa av arkivet både av dei som bidreg med data og dei som gjenbruker data. Databrukarane er primært forskarar og forskingsinstitusjonar, men også andre samfunnsaktørar som er avhengig av tilgang til kunnskap, t.d. journalistar, lærarar, næringslivet og samfunnet for øvrig. Kommunikasjonen mellom databrukarar og arkivet føregår først og fremst gjennom kontaktpersonen for kvart datasett, og gjennom kontaktinformasjonen for kvar enkelt samling.

I ein meir snever forstand kan vi beskriva brukargruppa av DataverseNO som dei gruppene som i tillegg til å vera databrukarar også bidreg med data til arkivet. Det er først og fremst forskarar frå norske forskingsinstitusjonar.

Kvar samling er organisert på ein måte som sikrar at behova til den gjeldande brukargruppa er ivaretekne i størst mogleg grad.

Dei noverande partnarinstitusjonane driv forsking innanfor følgjande fagområde (per september 2024):

• Høgskolen i Innlandet (https://www.inn.no/forskning): Film, TV og digitale medier; helse, idrett og velferd; natur, biologi og miljø; oppvekst og utdanning; politikk og samfunn; sosialfag og veiledning; språk og litteratur; økonomi, ledelse og innovasjon.
• Høgskolen i Østfold (https://www.hiof.no/forskning/): Helse, velferd og organisasjon; Informasjonsteknologi, ingeniørfag og økonomi; Lærerutdanninger og språk; Scenekunst.
• Høgskulen på Vestlandet (https://hvl.no/forsking/): Helse- og sosialvitskap; lærarutdanning, kultur og idrett; teknologi, miljø- og samfunnsvitskap.
• MF vitenskapelig høyskole (https://mf.no/forskning): Bibelforskning; diakoni; etikk og religionsfilosofi; politikk og samfunn; praktisk teologi; religionspsykologi; religionsvitenskap; systematisk teologi; pedagogikk og utdanningsvitenskap.
• NMBU – Norges miljø- og biovitenskapelige universitet (https://www.nmbu.no/forskning): Bedriftsøkonomi, samfunnsøkonomi, ledelse, entreprenørskap og innovasjon samt filosofi og vitenskapsteori; kjemi, bioteknologi og matvitenskap; landskap og samfunn; miljøvitenskap og naturforvaltning; realfag og teknologi; veterinærvitenskap.
• Nofima (https://nofima.no/forskningsomrader/): Mat, akvakultur, fiskeri
• Nord universitet (https://www.nord.no/forskning): Biovitenskap og akvakultur; lærerutdanning og kunst- og kulturfag; sykepleie og helsevitenskap; samfunnsvitenskap; økonomi.
• Norsk institutt for bioøkonomi (NIBIO) (https://nibio.no/om-nibio/vare-fagdivisjoner): Matproduksjon og samfunn; miljø og naturressurser; skog og utmark; bioteknologi og plantehelse; kart og statistikk.
• NTNU – Norges teknisk-naturvitenskapelige universitet (https://www.ntnu.no/forskning): Arkitektur og design; humaniora; informasjonsteknologi og elektroteknikk; ingeniørvitenskap; medisin og helsevitenskap; naturvitenskap; samfunns- og utdanningsvitenskap; økonomi.
• OsloMet – storbyuniversitetet (https://www.oslomet.no/forskning): Helsevitenskap; samfunnsvitenskap; lærerutdanning og internasjonale studier; teknologi, kunst og design.
• UiT Noregs arktiske universitet (https://uit.no/forskning): Biovitenskap, fiskeri og økonomi; humaniora, samfunnsvitenskap og lærerutdanning; ingeniørvitenskap og teknologi; naturvitenskap og teknologi; helsevitenskap; rettsvitenskap; kunstfag.
• Universitetet i Agder (https://www.uia.no/forskning): Helse- og idrettsvitenskap; humaniora og pedagogikk; kunstfag; samfunnsvitenskap; teknologi og realfag; ledelse og innovasjon, rettsvitenskap, økonomi; lærerutdanning.
• Universitetet i Bergen (https://www.uib.no/forskning): Humaniora; psykologi; rettsvitenskap; realfag; samfunnsvitenskap; medisin; kunst, musikk og design.
• Universitetet i Oslo (https://www.uio.no/forskning/): Humaniora; rettsvitenskap; matematikk og naturfag; medisin; odontologi; samfunnsvitenskap; teologi.
• Universitetet i Stavanger (https://www.uis.no/#Forskning): Utdanningsvitskap og humaniora; utøvande kunstfag; økonomisk-administrative fag og juss; helse; samfunnsvitskap; teknikk og naturvitskap.
• VID vitenskapelige høgskole (https://www.vid.no/forskning/): Helse- og sosialfag, samfunnsvitenskap, ledelse, diakoni og teologi.

I det daglege arbeidet er det DataverseNO-kuratorar som imøtekjem behova til brukargruppene til arkivet. Kuratorane for institusjonssamlingane jobbar ved same institusjonen som brukargruppene til samlinga, og dei kommuniserer tett med desse brukargruppene også om andre spørsmål kring forskingsstøtte, t.d. datahandteringsplanar, publisering med open tilgang, prosjektsøknader og litteratursøk.

Medlemer av brukargruppene kan koma i kontakt med kuratorar på fleire måtar, t.d. ved å deponera eit datasett i ei relevant samling, ved å kontakta dei på adressa som er oppført på brukarstøttesida til DataverseNO, ved å kontakte dei på arrangement og møte organiserte mellom forskingsstøttetenester og forskarar ved heimeinstitusjonen deira, eller ved å kontakta dei på arrangement og møte organiserte av nettverk som dei som er nemnde ovanfor.

Medlemer av brukargruppene kan òg kommunisera med forvaltarane av institusjonssamlingar i DataverseNO. Det skjer t.d. når forskarar ønskjer å diskutera etablering av ei delsamling under institusjonssamlinga si. I slike tilfelle blir spørsmål om datahandtering grundig diskutert mellom institusjonssamlingsforvaltarar og ‑kuratorar, og medlemmer av den aktuelle brukargruppa. DataverseNO-arkivforvaltarar skal òg konsulterast i slike diskusjonar.

Forvaltninga av institusjonssamlingar er ein del av forskingsstøttetenestene og den institusjonelle leiinga ved DataverseNO-partnarinstitusjonar. Partnarinstitusjonar har veletablerte arenaer der forskingsstøtteeiningar, t.d. universitetsbiblioteket, diskuterer spørsmål og utfordringar med representantar frå dei ulike forskingsmiljøa ved institusjonen. Tilbakemeldingar frå slike diskusjonar er formidla vidare til forvaltarane av institusjonssamlinga. Forvaltarane av institusjonssamlingane på si side diskuterer råd og tilbakemeldingar frå sine brukargrupper i DataverseNO-kuratornettverket, som så gjev råd til arkivforvaltninga.