SDÁ 1/2016: Vuokko Hirvonen

Sámeeatnan duoddariid girječálli Pedar Jalvvi eallima ja čállima mohkit

Vuokko Hirvonen (Sámi allaskuvla)

Viečča artihkkala: Sámeeatnan duoddariid girječálli Pedar Jalvvi eallima ja čállima mohkit (pdf).

Pedar Jalvi (1888–1916) adno vuosttas Suoma beale sámegielat girječállin. Oanehis eallimisttis áigge Pedar Jalvi ollii bargat sihke árbevierročoaggin, esseijačállin, girječállin ja oahpaheaddjin. Jyväskylä oahpaheaddjiseminára áigge su sámeidentitehta nanosmuvai, muhto seammás son huksii nana duppalidentitehta sihke sáme- ja suomagielat čállosiid ja iežas nationalitehta bokte. Dán artihkkalis guorahalan Pedar Jalvvi gárggiideami sámegielat girječállin. Beroštahtti ášši Jalvvi eallimis lea nammamolsun, man sivaid guorahalan artihkkalis. Seminára vuosttas jagi son lonuhii Petter Helander -namas ja šattai virggálaččat Pekka Pohjansäde. Pedar Jalvi -namma ihtá bealistis vuosttas háve jagi 1914. Sihke giellagažaldat ja nammamolsun dávistit olbmo identitehtii guoski guorahallamiid. Nammamolsun gulai duon áigodahkii, muhto dán sáhttá maiddái dulkot persovnnalaš ja sosiála identitehta ohcamin, maid čilgemis heivehan Jenkinsa (2008 (2004)) ja Wimmera (2008a; 2008b) identitehtateoriijaid. Jalvvi eallin ja buvttadus leat guorahallon máŋggain čállosiin 1920-logu rájes. Artihkal vuođđuduvvá ovddit dieđuide Pedar Jalvvi eallima ja čállima birra. Artihkal fállá lassečilgehusa dasa, manne Jalvi čálligođii sámegillii Jyväskylä oahpaheaddjiseminára váccedettiin ja mat sivat váikkuhedje dasa ahte son šattai girječállin.

Fáddásánit: eallingeardi, čállingiella, suomaiduhttin, sosiála identitehta, njálmmálaš árbevierut, sámi girjjálašvuohta

The life and writings of Pedar Jalvi – a writer from the tundra of Sámiland

Pedar Jalvi (1888–1916), whose original name was Piera Klemetinpoika Helander, is acknowledged as Finland’s first Sámi writer who published poems and short stories in the Sámi language. In his short life he worked as a folklore collector, an essayist, an author, and a teacher.

The main objective of this study is to investigate the reasons why Jalvi used Sámi as a literary language. In addition, I also investigate why he changed his name. In 1911 Jalvi attended the Jyväskylä Teachers Seminary, where he graduated in 1915. During the first year at the seminary, he began to use the name Pekka Pohjansäde instead of Helander, the surname of his birth. Later, in an article he wrote in the spring of 1914, he started publicly using the name Pedar Jalvi, which refers to his birthplace.

Name changes were common at the time among the Fennomans, the Finnish nationalists in the Jyväskylä Teachers Seminary, but they can also be understood as a search for personal and social identity. Regarding the latter, I refer to Jenkins’ (2008 (2004)) and Wimmer’s (2008a; 2008b) theories of identity. Pedar Jalvi’s life and writings have been the subject of many articles since the 1920s. This contribution takes these articles into consideration and offers a new perspective on the reasons why Jalvi started to write in the Sámi language at the seminary and what influenced him to become an author.

Keywords: biography, literal language, Fennicizing, social identity, oral tradition, Sámi literature