Mat CDI-skovit leat ja maid dat mihtidit?

CDI-skovit leat kártenreaidu mainna iská mánáid árra kommunikatiivvalaš ovdáneami.

Reaiddus leat guokte skovi:

Sánit ja seavvagat: mánáide gaskkal 8-20 mánu. Dat guoskkaha sániid ja seavvagiid.

Sánit ja cealkagat: mánáide gaskkal 16-36 mánu. Dat guoskkaha sániid ja cealkagiid.

Váhnemat merkejit skoviide makkár sániid mánná ipmirda ja dadjá, ja makkár sojahanhámit mánás leat.

Dá lea oassi ‘Sánit ja cealkagat’-skovis.

CDI_gárvvut

 
Maid skovit mihtidit:

Sánit ja seavvagat: Skovis leat 439 sáni, ja váhnen merke sihke ipmirdeami ja dadjama.

Skovvi iská vuosttaš kommunikatiivvalaš seavvagiid, stoahkamiid ja rutiinnaid, árra sániid ja vuosttaš mearkkaid das ahte mánná ipmirda fásta dajaldagaid.

Sánit ja cealkagat: Skovis leat 773 sáni, ja váhnen merke daid sániid maid mánná dadjá. 

Skovvi iská sihke sániid, cealkagiid ja veahá giellaoahpa.  Skovvi iská maid makkár sátnehámit mánás leat, man guhkes cealkagat mánás leat ja maiddái máná cealkagiid kompleaksavuođa.