Min birra

12120053_10153617633260056_8047196962783580969_o

Kristine, Inger Ellen Marja, Biret Ellen Aina ja Biret Ánne

Professor Kristine Bentzen lea DASAGO prošeaktajođiheaddji. Son lea váldán doavttergráda CASTL:s, Romssa universitehtas, jagi 2007,  ja dutká skandinávalaš gielaid sátneortnega ja movt mánát oččodit giela. Su váldosuorggit leat dárogiella ja eará davvigermánalaš gielat, eŋgelasgiella ja davvisámegiella.

Eambbo dieđuid Kristine dutkamuša birra gávnnat dás.

Eambbo dieđuid CASTL birra gávnnat dás.

Biret Ánne Bals Baal lea dutki. Son dutká mánáidgiela, erenoamážit jietnadagaid ja sojahanhámiid. Su váldofága lea lingvistihkas davvisámegiel mánáidgiela birra. Seamma fáttás lea son čállime doavttergráda. Biret Ánne lea Guovdageainnus eret.

Inger Ellen Márjá Eira lea prošeaktakonsuleanta. Son bargá korpusčoakkáldagain ja fuolaha korpusa lingvistalaš beliid, CDI-skoviiguin, ruovttusiidduin ja hálddahuslaš áššiid. Márjá gearggai iežas masterbargguin erenoamášpedagogihkas 2017 giđá. Su masterbargu lei čadnon DASAGO-prošektii.  Inger Ellen Márjá lea Guovdageainnus eret.

Biret Ellen Aina Siri Bals lea prošeaktakonsuleanta. Son bargá e.e korpusčoakkáldagain ja CDI-skoviiguin, hálddahuslaš áššiid ja son fuolaha prošeavtta ruovttusiiddu ja maiddái korpusa lingvistalaš beliid. Biret Ellen Aina lea Guovdageainnus eret ja sus lea kantuvra Guovdageainnus.